ఒలింపిక్ ప్రముఖ షూటర్ స్వర్ణ పతక విజేత అభినవ్ బింద్రా కోరిన
ఆర్థికసాయానికి కేంద్రం అంగీకరించింది. అభినవ్ తన తదుపరి పోటీలకోసం
జర్మనీలో ప్రత్యేక శిక్షణ పొందనున్నారు. ఇందుకోసం తనకు ఆర్థికంగా సహకారం
అందించాలని ఆయన కేంద్రాన్ని కోరారు. దీనిపై కేంద్ర క్రీడాశాఖ నేడు
ఆర్థికసాయం చేసేందుకు ముందుకొచ్చింది. టాప్ (టార్గెట్ ఒలింపిక్ పోడియం)
పథకం కింద నేషనల్ స్పోర్ట్స్ డెవలప్‌మెంట్ ఫండ్ ద్వారా 5000 యూరోలను
అభినవ్ కు అందించనున్నట్లు కేంద్రం తెలిపింది. అభినవ్ సెప్టెంబర్ 1 నుంచి
11 వరకు జర్మనీలో ప్రత్యేక శిక్షణ తీసుకోనున్నారు.
