ఆ పెట్రోల్ బంక్ లో నీళ్లు పోస్తున్నారు

 

ఓ పెట్రోల్ బంక్ లో డీజిల్ కొట్టించుకోవడానికి వెళ్తే నీళ్లు కొట్టిస్తున్నారు.ఈ పెట్రోల్ బంక్ కర్నూలు జిల్లా నంద్యాలలో వుంది. ఈ బంక్ లో డీజిల్, పెట్రోల్ కొట్టించుకున్న సదరు వాహనదారులు కొద్ది దూరం వెళ్లాక తమ వాహానాలు మోరయించడంతో మెకానిక్ వద్దకు తీసుకెళ్లారు. ఇక మరమ్మతులకు రూ. 20 వేల వరకు ఖర్చు అవుతుందని తెల్పడంతో వారికి దిమ్మతిరిగింది. ఇంతకీ ఏమి జరిగిందింటే ఆ పెట్రోల్ బంక్ లో డీజిల్ కు బదులు వాటర్ పోస్తున్నారని ఆ మెకానిక్ బాధితులకు తెలిపాడు. ఇలాంటి ఘటనను ఎదుర్కున్న బాధితులందరూ ఆ పెట్రోల్ బంక్ ఎదుట ఆందోళనకు దిగారు. అయితే వర్షం వల్ల డీజిల్ ట్యాంక్ లో నీళ్లు కలిశాయని బాధితులందరికి న్యాయం చేస్తామని హామీ ఇచ్చారు.